న్యూస్4అజ్: హైదరాబాద్‌: డైలాగ్ కింగ్ మంచు మోహన్ బాబు ఇంట్లో పుట్టినరోజు వేడుకలు వైభవంగా జరిగాయి. మంచు విష్ణు-విరోనికా దంపతుల నాలుగో సంతానం ఐరా విద్యా బర్త్‌డే సెలబ్రెషన్స్‌ హైదరాబాద్‌లో నిర్వహించారు. ఈ వేడుకలో విష్ణు కుమార్తెలు అరియాన, వివియాన.. కూమారుడు అవ్రామ్‌ భక్త ఆకర్షణగా నిలిచారు. వేడుకల సందర్భంగా మంచు కుటుంబం ఫొటో షూట్‌ నిర్వహించింది. అందులో విష్ణు సోదరి లక్ష్మీ మంచు, మోహన్‌బాబు, మంచు మనోజ్‌ కూడా పాల్గొన్నారు. దీనికి సంబంధించిన ఫొటోలను మంచు విష్ణు సామాజిక మాధ్యమాల్లో పోస్ట్ చేశారు. లేత గులాబీ రంగు థీమ్‌తో ఈ ఫొటో షూట్‌ నిర్వహించారు.
